Mbrëmjen e sotme, qyteti i Elbasanit është tronditur nga të shtëna me armë, si pasojë e të cilave ka mbetur i vdekur në vend shtetasi Everest Çakaj.
Policia e Shtetit thotë në reagimin zyrtar se ngjarja ka ndodhur rreth orës 20:10, në lagjen Skënderbej në Elbasan, ku i vrarë ka mbetur 41 vjeçari Everest Çakaj, i cili shpqerohej nga bashkëshortja e tij, Silvana Çakaj.
Sipas policisë, shtetasja në fjalë ka mbetur gjithashtu e plagosur, pasi mori njëplumb në dorë. Ndërkohë policia po kreh zonën për të bërë të mundur kapjen e autorëve të ngjarjes.
Njoftimi i Policisë:
Elbasan /Informacion paraprak
Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.
Shërbimet e Policisë kanë shkuar menjëherë në vendngjarje dhe kanë rrethuar zonën.
Janë ngritur pika konrolli në hyrje – daljet në qytetin e Elbasanit dhe vijon kontrolli i zonës.
Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.
