Bashkia e Tiranës inaguroi këndin e lojërave tek Parku i Liqenit, dhuratë e saj për fëmijët me rastin e 1 Qershorit. Në ceremoninë e inagurimit Erion Veliaj bëri thirrje që sherret e politikës të lihen në Parlament dhe se e gjithë zhurma për këndin e lojrave u mbyll si një “Toy Story”, simbol i cili ishte vendosur dhe në bluzën e tij.
“Inatet e të rriturve nuk duhet të pengojnë zhvillimin e Tiranës dhe progresin e fëmijëve. Nuk duhet të pengojnë projektin që kemi për Tiranën. Sot, ky debat u mbyll dhe është referendumi më i mirë. Garantoj se puna në Tiranë do të vazhdojë. Shumë shpejt hapim parkun e lodrave tek “Mine Peza” . Nuk është prerë asnjë pemë dhe nuk ka asnjë kafe. Është shumë e rëndësishme të mos bëjnë histeri.
“Mirëmëngjes? Gati për parkun e lodrave? Hyr nga Shtegu i Qershive ku aprtirana sapo rehabilitoi me finesë djerrinën. Në fund të ditës, kur mbarojnë gjithë sherret, pyetja është a bëmë punë të dobishme për qytetin? Ky është fokusi ynë. Sherret e politikës t’i lëmë në Parlament, qytetin ta bëjmë të bashkuar. Nuk është moment për hakmarrje as për arrogancë.”
