Lulzim Basha ka dalë para mbeshtetësve në seli pas humbjes së zgjedhësve. Basha tha ndër të tjera se besoi tek demokracia, por u përball me një regjim krimi.
Kreu i demokratëve theksoi se beteja e tyre nuk mjaftoi, duke shtuar se këto zgjedhje nuk kishin të bënin me demokracinë dhe se janë hedhur miliona lekë për të blerë vota.
‘Të dashur shqiptarë, zonja dhe zotërinj, teksa muzgu i kësaj mbrëmje po bie, një tjetër hije po avitet në zemrat dhe mendjet e shqiptarëve. A është ky muzg i shpresës dhe ëndrrës për ndryshim për Shqipërinë demokratike dhe evropian. E kemi shumë vite që luftojmë për demokracinë. Ne bëmë betejë për demokracinë. Unë besova se do ta fitonin dhe do t’ja kthenim Shqipërisë demokracinë, por nuk mjaftoi sepse këto zgjedhje nuk kishin të bënim me demokracinë. Hymë në zgjedhje me një regjim krimi. Ata ndryshuan Kushtetutën, dhjetëra mijëra vota të pavlefshme”, tha Basha.
