Sekuestrohen 15 kg, lëndë narkotike Cannabis Sativa dhe rreth 500 gram “kokainë”
Policia Shkodër arrestoi dy persona për prodhim dhe shitje të lëndës narkotike. të arrestuarit janë Nexhmi Bushaj, 49 vjeç, banues në fshatin Kullaj dhe Dritan Mataj, 38 vjeç, banues në fshatin Mes, të këtij qyteti. Të arrestuarit akuzohen për veprën penale “Prodhim dhe Shitje të Lëndëve Narkotike”:
Gjatë kontrollit të ushtruar janë sekuestruar në cilësinë e provës material rreth 500 gram, pluhur i bardhë me ngjyrë dhe karakteristika të ngjashme me atë të lëndës narkotike të llojit “kokainë”, dhe 15 kg, lëndë narkotike e dyshuar si Cannabis Sativa.
Në Fier, u arrestua shtetasi Arben Caulin, 47 vjeç, banues në fshatin Këmishtaj të Lushnjës. Arben Cauli kishte qenë i shpallur në kërkim edhe më parë. Gjykata e Rrethit Gjyqësor Lushnjë me vendimin e datës 27.05.2016 kishte caktuar masën e sigurisë “Arrest në burg”, për veprat penale “Prodhimi dhe shitje e narkotikëve”, ”Kultivimi i lëndëve narkotike”, ”Prodhimi dhe mbajtja pa leje e armëve luftarake dhe e municionit”.
Jonida Xhafa
