I ftuar në emisionin “Abc e mëngjesit”, kreu i opozitës Lulzim Basha u ka bërë thirrje qytetarëve që të votojnë Partinë Demokratike pasi sipas tij, kjo është e vetmja mënyrë për të sjellë ndryshimin.
Mes gazetarit, Enkel Demi dhe kreut të PD-së nuk kanë munguar edhe batutat, ku gazetari e ka pyetur nëse edhe Rama do të votojë numrin 9 duke pasur parasysh se ka bërë disa herë thirrje për bashkëpunim me Bashën.
Megjithatë Basha ka thënë se Rama s’do e votonte kurrë numrin 9 të Partisë Demokratike.
“Njësoj si shqiptarët ai e ka kuptuar se do te humb te dielën. Jo nuk voton ai për 9. Nuk ka ndryshim për të larguar Edi Ramën. Kishte më shumë pushtet se të gjithë dhe nuk mbajti premtimet.”
