Kryeministri i Kosovës, Albin Kurti, ia ka uruar postin presidentes së sapozgjedhur, Vjosa Osmanit, derisa ka falënderuar edhe deputetët që e votuan atë.
Kurti, nëpërmjet një postimi në llogarinë e tij në ‘Twitter’, ka thënë se Qeveria Kurti tashmë ka themeluar të gjitha institucionet, teksa ka paralajmëruar për një “epokë të re”.
“Falënderoj të gjithë deputet që votuan për zgjedhjen e presidentes së re. Ne tashmë kemi themeluar institucionet dhe jemi future në një epokë të re qëndrueshmërie dhe prosperiteti të popullit të Kosovës”, shkruan i pari i ekzekutivit në postimin e tij.
“Urime Vjosa Osmanit postin e presidentit”, thuhet më tej.
Vjosa Osmani, në raundin e tretë të votimit në seancën për zgjedhjen e presidentit, ka arritur të zgjedhet presidente me 71 vota për. Kundërkandidati i saj, Nasuf Bejta, nuk mori asnjë votë për postin e të parit të vendit.
