Italia do të prodhojë vaksinën ruse Sputnik V, duke shënuar kështu marrëveshjen e parë mes nje vendi europian dhe Rusisë.
Marrëveshja është nënshkruar nga fondi sovran i shtetit rus që mban licensen për vaksinën dhe nga kompania farmaceutike italo-zvicerane Adienne Pharma & Biotech, e cila do të prodhojë Sputnik V në dy fabrika, në Lombardi dhe në Milano.
Kompani italo- zvicerane do të nisë punën në korrik ndërsa pritet që deri në fund të këtij viti të shpërndahen rreth 10 milion doza. Bashkëpunimi u konkretizua pas aprovimit nga rregullatorët e brendshëm italian të barnave si dhe pas thirrjes së kryeministrit Mario Draghi për të përshpejtuar fushatën e vaksinimin.
Pak ditë më parë Sllovakia u bë shteti i dytë anëtar i bashkimit Evropian pas Hungarisë që mori dërgesat e vaksinës ruse pavarësisht se ajo ende nuk e ka marrë miratimin nga agjencia evropiane e barnave për përdorim.
Rezultatet e vaksinës Sputnik tërhoqën vëmendje të madhe ndërkombëtare pasi efektiviteti i saj arriti në 91.6 %.
