Nga Agron Sulshabanaj
Çdo kryeministri në botë mund t’i bësh dhjetëra pyetje, këtu tek ne, qindra, sidomos qytetari që nuk e ka votuar. Unë, për ju zoti kryeminister kam vetëm një pyetje, në atë çfarë kam për t’ju treguar.
Ndërsa, udhëtoja drejt Fushë-Krujës, në fshatin Derven, shoh punëtorët duke punuar me goditje të përqendruar (25 prill-votime?!), më bie në sy se ndërtesa e shkollë së re është vetëm 13 cm larg nga karrexhata. Ndjej frikë e keqardhje për moshatarët e Zahos, se fëmijët e mi janë studentë. Për këtë arsye, po ju drejtohem me një pyetje: I nderuar zoti kryeministër, a do të ndjeheshe mirë, nëse do ta çoje Zahon e vogël në atë shkollë, buzë rruge, me rrezik dhe ndotje të rëndë mjedisore dhe akustike? Ju drejtohem juve, dhe ju kërkoj të më mirëkuptoni, pasi zakoni dhe niveli qeverisës e do që të drejtohem në Krujë, por ju, gjatë dekadës së fundit, e keni nëpërkëmbur gjithë të majtën e Krujës.
Po ju bezdis edhe për faktin se në çdo qytet të Shqipërisë që Partia Socialiste e mori në 2019-ën, pa lavdi, shoh ndërtime private shumëkatëshe, në rregull me largësinë nga rruga, dhe nga ana tjetër shoh pamundësinë për të shtyrë shkollën e Dervenit, disa metra larg rrugës nga shkolla ekzistuese para tërmetit.
Ndoshta nuk jam personi i duhur për t’ju bërë këtë pyetje, por duke qenë vetë nga fshati, fshatarët e Dervenit, përtej frikës që ke mbjellë kudo, kanë hallet e punëve të përditshme për mbijetesë, shkollën e fëmijëve ua kanë besuar çiftit Nikolla-Kushi.
Çdo të mirë zoti kryeministër!
Suksese më 25 prill, në referendumin kundër jush, ku me çfarë ke gatuar këto 4+4 vite, dhe me bashkëpunëtorët me të cilët po keqqeveris, do të ngushëlloheshe me rezultatin e Nanos në 2005-ën.
Por, mos harro! Ke Lulin përballë.
Zahon, ta kesh me jetë!
