shkruan Fahri Xharra
Interesante për t’u përmendur që të gjithë popujt e Ballkanit janë infektuar me “ethet” e lashtësisë. Duke e ditur që kanë ardhur vonë në këto anë, ata punojnë shumë në këtë drejtim, në ruajtjen e gjetjave arkeologjike dhe menjëherë e lajmërojnë botën për atë se çka gjetën duke u munduar të fshehin faktorët e vërtetës krijiuese të asaj gjetjeje dhe në të njëjtën kohë duke e përvetësuar lashtësinë.
Neve si duket na kanë “vaksinuar” kundër këtyre “etheve” dhe jemi të qetë dhe nuk na ha palla për asgjë, madje edhe fshehim ato fakte duke mbindërtuar mbi to. Ju kujtohet Durrësi vitin e kaluar? Çudi e madhe me ne!
Me titullin: “U zbulua historia 3000 vjeçare e Zagrebit” (3 000-year-old history of Zagreb discovered, https://www.croatiaweek.com/) ata i mbushin faqet e gazetave në të gjitha gjuhët kryesore të Europës.
“Vetë kroatët shkruajnë që historia e Zagrebit (kryeqytetit të Kroacisë) daton që nga koha romake. Venbanimi më i vjetër në afërsi të Zagrebit ishte qyteti romak, Andautonia (sot Ščitarjevo). Emri i Zagrebit është përmendur së pari me 1134 si Kaptol (1094) (shënime nga dokumentet historike kroate).
Gërryerje arkeologjike të bëra nga Instituti i i Historisë Kroate, në oborrin e ndërtesës së qeverisë në Zagreb u bënë publike opinionit të premten (05.03.’21) nga vetë Kryemisnistri Andrej Plenkoviç.
“Hapi i parë i kësaj pune me vlerë do të jetë në pjesën veriore të oborrit qeveritar me nja 500 metra katrorë, ku u zbulua historia e fshehur 3 mijë vjeçare e Zagrebit, e cila e tregon jetën dhe vazhdimësinë e saj që nga koha parahistorike e deri më sot”.
Përveç artefakteve të gjetura dhe të ruajtura, kryesuesja e hulumtimeve Tajana Pleshe e përmendi edhe një objekt në formë “çizmeje” të vjetër që nga koha e Bronzit, rreth vitit 1200 para Krishtit. Të gjitha zbulimet, të gjitha artefaktet, sipas zonjës Tajana Pleshe tregojnë që bëhet fjalë për një qytet të lashtë parahistorik.
PVRH @AndrejPlenkovic vezano uz arheološka istraživanja u #BanskiDvori: Dosadašnji rezultati ukazuju na život u kontinuitetu od 3.000 godina na Gradecu, a tome svjedoče objekti iz starijeg i mlađeg željeznog doba. To upućuje na postojanje velikog i važnog prapovijesnog naselja. pic.twitter.com/4FvfxUd0y8
— Vlada Republike Hrvatske (@VladaRH) March 5, 2021
Kryeministri Plenkoviç tregoi që hulumtimet do të vazhdojnë edhe në pjesën jugore të oborrit të qeverisë kroate Pa komentuar më gjatë e kam vetëm një pyetje se si do të silleshin kryeministrat tanë në kësi lloj situate?
Gjakovë,07.03.2021
