Kryetari i Federatës Pan Shqiptare të Amerikës VATRA, z. Ahmet Xhafo zhvilloi një takim virtual me kryetarin e Partisë për Drejtësi, Integrim dhe Unitet z. Shpëtim Idrizi.
Siç dihet një nga objektivat e programit të Federatës Panshqiptare të Amerikës VATRA të vendosura në Kuvendin e kësaj organizate me 31 Tetor 2020 në Bronx New York është domosdoshmeria e vënies së çështjes Çame në diskutim dhe zgjidhje ndërkombëtare.
Duke pasur parasysh këtë Kryetarin i VATRËS Z. Ahmet Xhafo zhvilloi një takim virtual me Z. Shpëtim Idrizi, Kryetarin e Partisë për Drejtësi, Integrim dhe Unitet ne Shqiperi.
Gjatë këtij takimi u zhvillua një bisedë me shume informacione nga Kryetari i VATRËS Z. Xhafo dhe Kryetari i PDIU Z. Idrizi. Gjithashtu u diskutua prioriteti i çështjes Çame për VATRËN dhe ndihma që mund të japë VATRA për këtë çështje nëpërmjet Degës së saj më të vjeter ne Washington DC , pretendimi i Greqisë për zgjerimin e kufirit të saj detar me Shqipërine dhe qëndrimi i prerë i VATRËS për këtë çëeshtje ku është shprehur qartë në deklaratën e saj për shtyp. Gjatë këtij takimi u diskutuan dhe shumë çështje të tjera në lidhje me Shqipërinë, Kosovën dhe Çamerinë.
