BE ka filluar një shpërndarje të koordinuar të vaksinave për të luftuar Covid-19.
Ndërkohë Presidentja e Komisionit Evropian, Ursula von der Leyen tha të Shtunën se vaksina Pfizer-BioNTech ishte dorëzuar në të gjitha 27 vendet anëtare.
Evropa tashmë është në rrugën e “vaksinimit” kundër Covid-19 duke shpresuar me shumë siguri për vitin 2021.
Presidentja e Komisionit Evropian Ursula von der Leyen, e konsideroi një moment prekës dhe një hap drejt suksesit, ndërsa shtoi: “Ditët evropiane të vaksinimit janë një moment prekës i unitetit dhe historia e një suksesi evropian.
Shumë shpejt do të kemi më shumë vaksina në dispozicion, pasi të kemi provuar sigurinë dhe efektivitetin. BE ka siguruar doza të mjaftueshme për të gjithë popullsinë tonë prej 450 milion njerëz, por ne gjithashtu kemi siguruar vaksina për fqinjët tanë si Islanda ose Norvegjia”.
