“E ardhmja është vajzë” ka dhuruar sërish emocione të forta dje, falë protagonisteve, por dhe për momentet e ngarkuara me emocione.
Të mërkurën Ermira Çaushollin ka patur në shtëpinë e saj Megi Pojanin, moderatore televizive dhe Majlinda Brahja, një figurë shumë e njohur në radhët e Policisë së Shtetit.
Megi duket kishte ardhur me idenë për të mos u përlotur në emision, por nuk ia ka dalë, teksa shprehet se i ati është jeta e saj. Pikërisht tek mesazhi i të atit, ajo nuk është përmbajtur.
Kurse Majlinda Brahja prej vitesh me një karrierë të shkëlqyer e tashmë specialiste shërbimesh dhe komandante grupi në ruajtjen e objekteve të rëndësisë së veçantë ndau me teleshikuesit një moment shumë të vështirë nga jeta e saj.
Në vitin 2006, teksa ishte në detyrë për të ruajtur një person me rëndësi të lartë hetimi, Linda pëson një aksident i cili fillimisht u mendua se ishte i qëllimshëm. Ajo rrëfeu Brahja me lot në sy ato kohë të vështira buzë vdekjes.
