LDK-ja humbet bastionin e saj. Podujeva ia ka besuar qeverisjen një të zgjedhuri nga Lëvizja Vetëvendosje. Shpejtim Bulliqi fitoi me 51.64% të votave në komunë, ndërkohë në Mitrovicë të Veriut ka fituar kandidati i Listës Serbe.
Kryetari i Lëvizjes Vetëvendosje dhe ish-kryeministri, Albin Kurti i ka cilësuar këto zgjedhje të pjesshme si referendum.
“Ka fituar qytetari i Podujevës që vendosi për Vetëvendosjen dhe Shpejtim Bulliqin për kryetar. Kjo nuk është zgjedhje, ky është referendum. Jo vetëm sonte, por edhe në të ardhmen në Kosovë do të ketë referendume, sepse populli është përcaktuar për Vetëvendosjen.
Nuk ka fituar as Shpejtimi, as Lëvizja, por keni fituar ju. Ne nuk po e marrim komunën, ne po ua kthjemë juve komunën”,- tha Kurti.
Kreu i LDK-së, Isa Mustafa ka pranuar humbjen në Podujevë.
