Kryetari i Partisë Demokratike, Lulzim Basha ka vijuar akuzat ndaj qeverisë për shkatërrim të ekonomisë dhe shëndetësisë.
Përmes një mesazhi në twitter, Basha shkruan se Rama ka dështuar për 7 vjet dhe se PD kur të vij në pushtet do të japë ndihmë financiare për çdo familje ndërsa thekson se opozita ka një plan kundër pandemisë.
Postimi:
Përfytyroni një qeveri që punon për njerëzit, që jep ndihmë financiare për çdo familje. Një qeveri që ka një plan kundër pandemisë, që investon tek shëndetësia.
Pas 7 vitesh plot dështime, ku Rama vetëm e shkatërroi ekonominë dhe shëndetësinë, shumëkush priret të mendojë se nuk mund të jetë ndryshe. Por e vërteta është se mund dhe do të jetë ndryshe – bashkë ne do ta bëjmë realitet!
