Një prej problemeve që ngrenë bluzat e bardha në qytetin e Durrësit, është numri i ulët i tamponëve që kanë në dispozicion.
Ata thonë se rreth 20 tamponë në ditë për kryerjen e analizave për koronavirusin jepen për durrësin, ndërkohë që Tirana merr rreth 300 në ditë.
Për “Ora News”, ndihmës-epidemiologu Zija Alhysa ka zbuluar edhe një detaj tronditës.
Ai ka thënë se persona të infektuar me Covid-19, presin në kafenetë pranë dirisa të hapet dera për marrjen e tamponit.
“Ne kemi njerëz të infektuar që shkojmë për tu marrë tamponin nënës ose babës dhe i gjejmë nëpër kafe, presim derisa të hapin derën”, tha ai.
Aktualisht Durrësi ka 1170 persona aktivë me koronavirus, nga 2615 që kanë rezultuar në total pozitivë, dhe ka 66 viktima.
