Ministria e Arsimit ka shprehur trishtim për ndarjen nga jeta të mësuesit Gramoz Abedinaj nga Fieri i cili humbi betejën me Covid-19 një ditë më parë.
Kushi i bën thirrje të zbatohen me rigorizitet të gjitha rregullat dhe protokollet shëndetësore.
“Do të kisha dashur që emrin e mësues Gramoz Abedinaj nga Fieri ta ndaja me ju për ta falenderuar për kontributin e tij shumëvjeçar e me vlerë në fushën e arsimit, por asnjëherë për të shprehur hidhërimin e ndarjes së tij nga jeta pas betejës së humbur me Covid-19. Ngushëllimet më të sinqerta për familjen, miqtë, kolegët dhe nxënësit e shkollës në Roskovec ku mësues Gramozi ka shërbyer me shumë përkushtim e dashuri! Për të mos përjetuar më momente të trishta si ky, ju bëj thirrje edhe një herë që të zbatojmë me rigorizet të gjitha rregullat dhe protokollet shëndetësore për t’u mbrojtur nga ky virus i pabesë e i rrezikshëm!”, shkruan Kushi.
