Janë edhe gjashtë shtete që pritet të përcaktojnë fatin e fituesit të zgjedhjeve presidenciale të 2020-ës në SHBA.
Gara është ngushtuar teksa numërimi po shkon drejt fundit në këto shtete. Aktualisht raportohet se Joe Biden ka fituar në Uiskonsin.
Por cila është rruga e Biden dhe Trump drejt fitores?
Që Joe Biden të fitojë duhet të sigurojë 36 vota të Kolegjit Elektoral duke fituar në Miçigan dhe Pensilvani. Kjo rrugë duket edhe më e vështirë pasi Trump është duke kryesuar bindshëm në Pensilvani.
Pa Pensilvaninë, Joe Biden-it do t’i duhet të fitojë edhe në tre shtete të tjera; Nevada, Uiskonsin dhe Miçigan. Biden kryeson aktualisht në të treja këto shtete, por diferenca është tepër e ngushtë.
Që Donald Trump të fitojë i nevojitet fitorja në Pensilvani, ku aktualisht kryeson bindshëm, dhe në tre shtete të tjera, Nevada, Xhorxhia dhe Karolina e Veriut.
Pa Pensilvaninë, Trump-it i duhet të fitojë edhe pesë shtete të tjera Nevada, Xhorxhia, Karolina e Veriut, Uiskonsin dhe Miçigan.
