Ministri i Shëndetësisë i Kosovës, Armend Zemaj, ka bërë publike masat e reja të marra për mbrojtjen nga COVID-19 në Kosovë.
Me masat e reja, personave mbi moshën 65-vjeçare u lejohet dalja jashtë shtëpisë gjatë këtij orari 6:00-10:00 dhe 16:00-19:00, ndërsa jashtë këtij orari kanë të drejtë të dalin vetëm për nevoja shëndetësore.
Zemaj tha se se qendrave tregtare u ndalohet aktiviteti nga ora 21:00 deri në orën 5 të mëngjesit. Gjithashtu edhe gastronomisë i ndalohet veprimtaria nga ora 21:00 deri në orën 5 të mëngjesit, përveç shërbimit “merr me vete”.
“Qendrat tregtare do t’iu ndalohet veprimtaria nga 21:00 deri në 5 të mëngjesit. Gastronomia: 21 deri në orën 5, përveç shërbimit të take away. Është e domosdoshme që të reduktohet numri i stafit në nivel qendror, në institucionet publike dhe private. Shëndetësia dhe Siguria do të vazhdojnë të punojnë me kapacitete të plota. Ligjëratat të zhvillohen vetëm online nëpër universitete”, ka thënë Zemaj.
Ministri ka thënë se këto masa do të analizohen brenda 2 jave dhe do të rishikohen.
