Ministri i Shëndetësisë në Zvicër, Alain Berset, në një konferencë për media ka deklaruar se vala e dytë e COVID-19 ka mbërritur në Zvicër.
Zvicra ka marrë masa të reja për të luftuar koronavirusin, pasi numri i infeksioneve është dyfishuar brenda një jave, ndërsa spitalet po mbushen çdo ditë e më shumë.
“Masat e reja nuk janë të krahasueshme me ndërhyrjen e Këshillit Federal në mars”, ka theksuar ministri, duke iu referuar masës së gjendjes së jashtëzakonshme që ishte marrë në fillim të pandemisë, në mars 2020.
“Gjithçka do të vendoset së bashku me kantonet, he kantonet mund të vendosin për masat e mëtejshme”, shtoi ai.
Shifrat e ditëve të fundit në zvicër janë alarmante, ndërkohë që ekspertët presin që të ketë rreth 12 mijë raste të reja me COVID-19 në ditë, brenda 2 javëve të ardhshme.
