Ambasadorja Amerikane në Tiranë, Yuri Kim, gjatë një bisedimi virtual me disa të rinj shqiptarë, ka dhënë një mesazh për këta të fundit dhe për rëndësinë e votës së tyre.
“Ju jeni ata që sjellin ndryshimin. Kur mbroni të drejtat tuaja, udhëhiqni fushata, dilni vullnetarë në komunitetet tuaja dhe votoni në zgjedhjet tuaja, ju keni ndikim dhe jepni kontribut për një të ardhme ku shqiptarët kanë mundësinë të lulëzojnë”, tha ambasadorja Yuri Kim gjatë një komunikimi online me të rinjtë e European Democracy Youth Network.
Kim i ftoi të rinjtë dhe të rejat të mësojnë të luftojnë në mënyrë efektive për demokracinë e vendit.
“Cinizmi është i lehtë; optimizmi është shumë më i vështirë. Të ankohesh është e lehtë; të bësh diçka është shumë më e vështirë. Shpresoj që të rinjtë e Shqipërisë të mbajnë idealizmin e tyre, të mësojnë të luftojnë në mënyrë efektive për demokracinë dhe t’i kërkojnë llogari njëri-tjetrit. Flamuri i Shteteve të Bashkuara është me ju”, u shpreh ambasadorja e SHBA, Kim.
