Teknologjia është futur fuqishëm në jetën tonë. Çdo ditë përballemi me mrekulli të saj dhe e fundit na vjen nga Kina.
Me mbështetjen e Bankës Qendrore, në shtetin aziatik është lëshuar monedha e parë dixhitale. Përmes një lotarie ku morën pjesë rreth 2 milionë njerëz u fitua një vlerë prej 10 milionë jaun, ose e thënë ndryshe 1.5 milionë dollarë. Çmimi u nda mes 50.000 personave në zonën e Shenzhen, të cilat mund t’i shkarkojnë dhe t’i shpenzonin në më shumë se 3,000 dyqane.
Banka Popullore e Kinës (PBOC) thotë se ka në plan të nisë përdorimin e DCEP (Valuta Dixhitale) në vijueshmëri. DCEP nuk është një kripto-monedhë, përkundrazi është një version dixhital i monedhës zyrtare të Kinës, juan, i cili lëshohet dhe mbështetet nga banka qendrore.
Përhapja e madhe pritet të nis në vitin e ardhshëm. Banka Qendrore Kineze kërkon ta praktikojë këtë gjatë Lojërave Olimpike Dimërore, si një moment testi për monedhën, por edhe për të shmangur një valë tjetër infektimi të Koronavirusit.
