Kreu i PDIU-së, z. Shpëtim Idrizi po zhvillon një takim me përfaqësues të shoqërisë civile, në lidhje me deklarimin e njëanshëm të Greqisë për zgjerimin e ujrave territoriale në drejtim të Shqipërise nga 6-12 milje detare.
Idrizi tha se Shqipëria duhet të negociojë me Greqinë, por vetëm për shelfin kontinental apo për zonën ekonomike ekskluzive, teksa theksoi se për detin e brendshëm territorial s’ka debat.
Po ashtu Idrizi theksoi se nga pala shqiptare nuk ka transparencë, teksa kujton se në 2018 Kotzias e deklaronte marrëveshjen gati, më pas Tsipras premtonte se do të zgjeronte me 12 milje ujërat greke në detin Jon, dhe tani e bën Mitsotakis.
Për Idrizin marrëdhëniet e mira Shqipëri-Greqi mund të vendosen vetëm me reciprocitet dhe duke trajtuar të gjitha çështjet problematike, filluar nga çështja çame, ligji i luftës dhe deti.
Fjalimi i plotë i Shpëtim Idrizit:
Unë jam shumë mirënjohës për reagimin tuaj, të paharruar për atë që është më e rëndësishme, çështja e shqiptarëve të Çamërisë.
Çamëria nuk është një aksidenti i vitit 1994, por një skarificë të cilën nuk do e harrojmë. Duke cituar Konventën për Detin, të Montegobejt të vitit 1982, në nenin 3 të saj thuhet që çdo vend ka të drejtë ta bëjë këtë gjë, pa e lexuar në mënyrë integrale këtë Konventë që në nenin 15-të të saj thotë që ky zgjerim mund të bëhet vetëm atje ku gjeografia e lejon dhe brigjet janë përballë.
Për çështjen e detit dua të ndajë qartësishtë me ju gabimin e vitit 2009, ku Greqia duhet të diskutonte me shqipërinë çeshtjen ekonomike pasi sot është e domosdoshme roli i shoqërsië civile, sidmos për cështjen e detit.
Vetëm reciprociteti mund të çojë në një normalizim të marrëdhënieve Shqipëri- Greqi. Tjetër, duhet të hiqet ligji i luftës. Si dhe çështja çame që duhet të dihet, nuk ishte aksident i vitit 1944.
Dua të ndaj qartësisht me ju, atë që Gjykata Kushtetuese në 2010 bëri të qartë. Shqipëria duhet të negociojë me Greqinë për shelfin kontinental dhe zonën ekonomike.
Në 2009 nuk ndante shelfin kontinental, por ndan ujërat e brendshme dhe territoriale. Në to shteti shqiptar ushtron sovranitet.
Nuk ka debat për detin e brendshëm territorial. Ky është dokumenti, që tregon se kufijtë detarë janë të delimituar.
Prandaj GJK thotë që diskutimi për delimitimin është i gabuar. Duhet të theksoj dhe një fakt, po të shohim dhe vendimin e Arbitrazhit, e përcaktuar qartë kufijtë ujore territorialë. Dhe u pa që minat në incidentin me Anglinë ishte në ujërat shqiptare.
Kujtoj që në tetor të 2018, Kotzias thoshte që marrëveshja ishte gati. Po dhe kryeministri i kohës, Tsipras tha se do e sillte në Kuvend projektin për zgjerimin në 12 milje në detin Jon, por u tërhoq nga ajo. Tani e bën Mitsotakis. Kjo solli shqetësim. Ne nuk kemi asnjë transparencë nga pala shqiptare. E marrim vesh nga pala apo mediat greke.
