Pneumologu Adrian Jorgji ndalet në virozat e stinës, të cilat në këtë periudhë i bashkangjiten COVID-19. Sipas tij nuk ka nevojë për frikë, alarm, por për kujdes dhe kulturë qytetare që të mbrosh të tjerët.
Ai tha në “ABC-në e mëngjesit” se duhet përshpejtuar vaksina e gripit dhe disa ditë më vonë të bëhet dhe vaksina e pneumokokut, tek mosha e tretë, ata që kanë sëmundje kronike. Por, vaksina e pneumokokut vetëm nëse nuk e ke bërë tre vjetët e fundit.
“Unë e rekomandoj vaksinën për pacientët e moshës së tretë, por duhet të kemi parasysh që një pjesë e mirë e moshave të treta sjellin sëmundje kronike me vete.
Këto dy vaksina shkojnë njëra-pas tjetrës… shkojnë brenda disa ditëve. Pra, fillimisht rekomandohet vaksina e gripit dhe brenda disa ditësh (5 ditë) bëhet vaksina e pneumokokut.
