Ish-kryeministri i Italisë dhe ish-presidenti i Milanit, pronari aktual i Monza, Silvio Berlusconi, ka dalë pozitiv për COVID-19.
Politikani dhe sipërmarrësi i njohur, manjati i mediave italiane është asimptomatik dhe është vetë-izoluar në vilën e tij private në Arcore.
Lajmi u konfirmua nga mjeku i tij personal Alberto Zangrillo në Milano.
“Berlusconi u testua pozitiv pas një vizite të fundit në Sardenjë.”
Lajm disi shqetësues ky për familjarët dhe vetë Silvion, pasi për 1 muaj ai mbush 84 vjeç, duke e vendosur atë në kategorinë e personave me risk të lartë vdekshmërie. Megjithatë Berluskoni është asimptomatik dhe në gjendje jo të rënduar shëndetësore.
Rastet e koronavirusit kanë shënuar rritje në Itali javët e fundit, kryesisht midis njerëzve që vizituan destinacionin e Sardenjës.
Ishulli kishte relativisht pak raste krahasuar me pjesën tjetër të vendit gjatë muajve të dimrit, kur virusi ishte në kulmin e tij.
Pozitiv është konfirmuar dhe biznesmeni i njohur italian, shefi i Formula 1, Flavio Briatore. Disa ditë më parë Briatore dhe Berluskoni ishin bashkë dhe pa maska.
“Vizitë te një mik i veçantë. Unë erdha për të vizituar mikun tim presidentin. Unë e dua atë shumë “, thotë Flavio Briatore në një video të shkurtër të postuar në Instagram para se të dilte pozitiv për koronavirus.
Sipërmarrësi u takua me Silvio Berlusconin në Costa Smeralda.
