Bisedimet në Uashington mes Kosovës dhe Serbisë, ka shumë gjasa të zhvillohen më 3 dhe 4 shtator për shkak të mundësisë që në to të merr pjesë edhe presidenti i SHBA-ve, Donald Trump.
Presidenti serb, Aleksandar Vuçiç në një intervistë të dhënë për mediat në serbi është shprehur se takimi është shtyrë në datat 3-4 shtator pasi pjesë e tij pritet të jetë edhe presidenti i SHBA Trump.
Vuçiç ndër të tjera tha se shqiptarët nuk janë aspak të interesuar për ekonominë, por po mendojnë që të zgjidhet statusi i tyre.
“Nëse ata na kërkojnë njohje në këmbim të integrimit Euro-Atlantik, ne do t’u themi, jo faleminderit, le të bëjmë diçka më serioze. Presidenti Trump ka një politikë më të mirë ndaj Serbisë sesa njerëzit e administratave të mëparshme. Richard Grenell gjithashtu ka ide të mira. Gjithçka që është negociuar në dhjetë vitet e kaluara, jo për njohje, por për normalizim, u kryen nën kujdesin e Brukselit”, shtoi presidenti serb.
