Një 36-vjeçare ka ndërruar jetë në spitalin Durrësit ditën e djeshme, pasi kishte ardhur me urgjencë. Në lidhje me këtë ngjarje policia ka njoftuar se ka proceduar penalisht 2 mjekë, të qendrës shëndetësore në Shijak dhe Urgjencës mjekësore në Durrës.
Raportohet se as mjekët e Shijakut dhe ata të Durrësit nuk kanë arritur të përcaktojnë diagnozën se nga se vuante 36-vjeçaraja. Do të jetë autopsia që do të përcaktojë shkakun e vdekjes.
Mjekët kanë deklaruar për policinë se kanë shërbyer në mënyrën më të mirë dhe nuk arritëm të zbulonim se nga çfarë vuante. Herë pas here 36-vjeçarja paraqitej në këtë qendër shëndetësore me të vjella dhe shtrëngim të kraharorit.
Mirëpo, nga ana tjetër, familjarë janë të revoltuar pasi pretendojnë se nuk i është bërë shërbimi i nevojshëm.
