Nënkryetari i Partisë Demokratike Edi Paloka, ka reaguar pas thirrjes së kryeministrit Edi Rama ndaj opozitës jashtë parlamentare që të mos bojkotojnë mbledhjen e sotme të Këshillit Politik që do të zhvillohet në orën 17:00, me qëllim vijimin e dialogut.
Ish-deputeti i PD, përmes një reagimi në “facebook” duke iu referuar firmosjes së marrëveshjes së 5 qershorit, ditën djeshme, me opozitën parlamentare, shkruan se Rama bëri marrëveshje me veten.
“Rama beri mbreme marreveshje me veten: Me 23 korrik do votoje marreveshjen e 5 qershorit dhe me 30 korrik do votoje rrezimin e saj”, shkruan Paloka.
Mbrëmë në takimin e tretë mes kryeministrit Edi Rama, Taulant Ballës dhe 3 kryetarëve të grupeve parlamentare të opozitës, Myslym Murrizi, Edmond Stojku edhe Nimet Musai është firmosur marrëveshja për votimin e “5 Qershorit” në seancën plenare të 23 korrikut si dhe votimin e ndryshimeve kushtetuese në seancën e 30 korrikut.
