Sot ministrja e Shëndetësisë Ogerta Manastirliu komunikoi vendimin se nuk lejohen të qendrojnë hapur pas orës 20:00 lokalet e natës dhe diskot, se dhe muzika është e ndaluar pas këtij orari.
Reagimet kanë qenë të shumta, ironike dhe tallëse, kryesisht nga bota e artistëve. Me këtë vendim është “tallur” edhe aktori i humorit Florjan Binaj.
Përmes një postimi në rrjete sociale, ai ironizon kur thotë se studimi është bërë nga universiteti i Surrelingtonit, i cili ka gjetur se Covid-19 transmetohet përmes notave muzikore.
Një vendim vërtet i çuditshëm ky i komitetit të ekspertëve komunikuar nga Manastirliu, pasi nuk gjendet asnjë shpjegim që lidh përhapjen e koronavirusit me përdorimin e muzikës, pas orës 20:00.
