Drejtoria e Shëndetit Publik në qytetin e Durrësit ka pezulluar punën.
Raportohet se kjo drejtori që merret me hetimin dhe përcaktimin e rasteve të infektimit ose jo me koronavirus nuk po e kryen detyrën e saj pas shfaqjes së rasteve me virusin brenda institucionit.
Mësohet se stafi i këtij institucioni të rëndësishëm sidomos në këtë situatë epidemie, është karantinuar.
Nuk dihet ende se si, dhe kush, do të vazhdojë gjurmimin dhe hetimin e rasteve të dyshuara për koronavirus në këtë qytet.
Institucionet e shëndetit ende nuk kanë nxjerrë një njoftim zyrtar se si do të vazhdohet puna në qytetin e Durrësit, në të cilin rastet e reja të infeksionit raportohen çdo ditë./abcnews
