Mediat serbe sot kanë raportuar se Drejtori i të ashtuquajturës Zyrë për Kosovën, Marko Gjuriq, ka dalë pozitiv për Covid-19. Gjuriq thuhet se u testua dje dhe se rezultati i testit i doli pozitiv, shkruan Tanjug.
Po ashtu Kryetarja e Kuvendit të Serbisë Maji Gojkoviç si dhe Ministri Serb i Mbrojtjes, Aleksander Vulin kanë rezultuar pozitivë me koronavirus.
Sipas asaj që shkruajnë mediet serbe, zyrtarët e lartë janë karantinuar tashmë. Ata dyshohet se janë infektuar gjatë një feste ku kanë marrë pjesë.
Të dy zyrtarët aktualisht janë në gjendje të mirë shëndetësore. Si Vulin ashtu dhe Gojkovic do t’i nënshtrohen një testi të dytë pas disa ditësh.
