Një 72-vjeçar i infektuar me koronavirus ka ndërruar jetë në Kosovë ditën e sotme. Raportohet se 72-vjeçari ishte dërguar në Klinikën Infektive të QKUK-së pa shenja jete.
Po ashtu mësohet se viktima ishte diagnostikuar me COVID-19 në terren.
Klinika Infektive:
“Ju njoftojmë se sot me dt 23.06.2020 pacienti S.K. i lindur me 08.09.1948 me vendbanim në fsh.Reznik-Vushtrri ka përfunduar me Exitus letalis në ora 10:30. Pacienti sillet në ambulancën e pranimit të Klinikës Infektive nga ana e familjareve pa vetëdije dhe pa shenja jete. Reanimohet në ambulancën e pranimit, intubohet nga ana e Anesteziologut. Familjarët nuk japin të dhëna për faktorë rreziku. Pacienti i diagnostikur me COVID-19 në terren. Është marrë edhe një mostër post-mortem për SARS-CoV-2.”
