Policia braziliane ka zbuluar 300 kilogram marijuanë të fshehur brenda arkivoleve, të cilat po transportoheshin nga një makinë funerali.
Shoferi i makinës u tha policëve se brenda tyre kishte viktima të koronavirusit, por policisë ai i ishte dukur shumë nervoz.
Në deklaratën e policisë thuhet se kontrolli ishte rutinë, por pasi panë që shoferi 22 vjeçar nuk dukej i qetë,, ata kanë kontrolluar brenda arkivoleve.
Policia thotë se arkivolet ishin mbuluar me qese, që sipas shoferit duhej të pengonte përhapjen e sëmundjes.
Droga u sekuestrua, ndërsa shoferi po merret në pyetje.
