Një ilaç i lirë dhe lehtësisht i gjendshëm mund të shpëtojë jetën e një personi të sëmurë rëndë me koronavirus.
“Trajtimi steroid me dozë të ulët të Dexamethasone, është një përparim i madh në luftën kundër virusit vdekjeprurës”, thonë ekspertët në Mbretërinë e Bashkuar.
Ilaçi është pjesë e provës më të madhe në botë që teston trajtimet ekzistuese për të parë, nëse ato bëjnë punë kundër koronavirusit.
Ai zvogëlon rrezikun e vdekjes me një të tretën për pacientët në ventilatorë. Për ata që janë me oksigjen, ilaçi shkurton vdekjet me një të pestën.
Sikur bari të ishte përdorur për të trajtuar pacientët në Mbretërinë e Bashkuar që nga fillimi i pandemisë, mund të ishin shpëtuar deri në 5000 jetë, thonë studiuesit.
Kjo mund të jetë një përfitim i madh në vendet e varfëra me numër të lartë të pacientëve me COVID-19.
Qeveria e Mbretërisë së Bashkuar ka 200,000 doza të ilaçit në rezervat e saj dhe thotë se NHS do të bëjë që deksametazoni të jetë i disponueshëm për pacientët.
