Komisioneri për zgjerimin Oliver Varleyhi ka folur nga Brukseli ditën e sotme për reformën zgjedhore në Shqipëri.
Në konferencën për shtyp mbi instrumentet e financimit të aksionit të jashtëm të BE-së, Varleyhi ka bërë thirrje që palët politike të përfundojnë reformën pasi pa të do jetë shumë e vështirë ecja përpara.
“I bëj thirrje të gjitha palëve, brenda Parlamentit dhe jashtë Parlamentit shqiptar për të tentuar sërish për reformën zgjedhore. Është një reformë shumë e rëndësishme. Pa këtë reformë, do të jetë shumë e vështirë për të ecur përpara dhe do të ishte për të ardhur keq nëse do humbej momentumi që arritëm të krijojmë për Shqipërinë”, deklaroi Varhelyi.
