Aktori i njohur i Hollivudit, Robert de Niro ka bërë kritika të ashpra kundër Presidentit amerikan Donald Trump në lidhje me menaxhimin e pandemisë së Covid-19.
Aktori në një intervistë të dhënë mbrëmjen e djeshme është shprehur se është e frikshme heshtja dhe mungesa e kritikëve ndaj mënyrës sesi kreu i Shtëpisë së Bardhë po i përgjigjet krizës së koronavirusit.
Robert De Niro ka thënë është e tmerrshme që Trumpit nuk i ntereson aspak që me mijëra amerikanë po humbin jetën, dhe e vetmja gjë që ati i intereson është që të rizgjidhet President.
“Është e tmerrshme, është e tmerrshme. Ai dëshiron të rizgjidhet, atij as nuk i intereson se sa njerëz vdesin,” është shprehur aktori.
Kujtojmë që kjo deklaratë e aktorit ka ardhur pasi SHBA është një ndër vendet më të ‘goditura’ nga koronavirusi. Deri më tani në SHBA 84,136 persona kanë humbur jetën, ndërsa 1,390,764 janë infektuar.
