Punonjësi i Drejtorisë së Doganës, Ramzan Kulla 60-vjeç nga Tirana, dy ditë më parë mësohet se humbi jetën nga koronavirusi, një .
Sipas mediave është vëllai i ish-të fortit të Tiranës në trazirat e vitit 1997, Nehat Kulla.
Nuk dihet ende se si është infektuar Ramazan Kulla, por nga ajo që ka njoftuar Ministria e Shëndetësisë, gjendja e tij është rënduar edhe pas shqetësimeve të tjera që Kulla kishte me shëndetin.
Gjithashtu Drejtoria e Doganave bëri një dedikim prekës për Ramzan Kulla.
Postimi i plotë i Doganave:
Ndërron jetë punonjësi i Doganës, i infektuar me COVID 19
Me dhimbje të madhe morëm njoftimin për humbjen e parakohëshme të kolegut tonë R.K, i cili prej ditësh ishte i shtruar në spitalin universitar “Shefqet Ndroqi, i konfirmuar me COVID 19.
Kolegu u nda nga jeta pasi prej dy javësh ishte në gjendje shumë të rëndë shëndetësore. Pavarësisht trajtimit të bërë nga stafi mjekësor, asistencës të ventilimit mekanik të respiracionit dhe mjekimit intensiv, kolegu nuk ka mundur të mbijetojë.
I gjithë stafi i Administratës Doganore Shqiptare i shpreh ngushëllimet më të sinqerta familjarëve dhe miqve të të ndjerit.
Bashkohemi me dhimbjen tuaj!
Të prehesh në paqe koleg!
Pavarësisht situatës së vështirë në të cilën po punojnë çdo ditë punonjësit e ADSH-së, ata janë në krye të detyrës 24 orë, në 7 ditë të javës, për të përmbushur me përkushtim dhe devotshmëri misionin e tyre, si në pikat e kalimit kufitar, ashtu edhe në shërbim të çdo qytetari apo biznesi në doganat e brendshme.
