Bilanci në Britani sa vjen e rëndohet, ndërkohë që vendi ishullor ende nuk po sheh “dritë në fund të tunelit”.
Dje ishin 761, sot 781 të vdekur si pasojë e infektimit me koronavirus, duke e çuar në 20.287 numrin e përgjithshëm të jetëve të humbura. Shërbimi Mjekësor Kombëtar tha se vetëm në Angli janë regjistruar 711 viktima, ndërsa pjesa tjetër janë në Skoci e Uells.
Të ndjerët ishin nga mosha 34-100 vjeç, ndërsa 87 nga 711 viktima, nuk kishin më parë sëmundje kronike.
Numri i infektimeve të reja nuk është bërë i ditur, për shkak të vonesës së azhornimeve të shifrave në Mbretërinë e Bashkuar.
