Situata që është krijuar nga pandemia e koronavirusit, ka bërë që shumë biznese të mbyllen.
Një ndër sektorët më të prekur është edhe ai i turizmit.
Askush nuk mund të thotë nëse këtë verë do të ketë plazh apo jo. Epo edhe nëse do të ketë, një gjë është e sigurtë, që do të jetë lokal. Ndërkaq, dje ministri Blendi Klosi tha se në Shqipëri mund të nisen edhe charter me turista, për sa kohë nuk jemi ndër vendet më të rrezikuar nga koronavirusi. Mbetet për t’u parë se si do të vijojë turizmi në vendin tonë.
Ndërkohë në Durrës ka filluar sistemimi i çadrave të plazhit. Siç mund të shihni edhe në fotot e publikuara nga LSA, ndërmjet tyre ekziston një distancë mbi një metër.
