Profesor Aurel Plasari nëpërmjet një postimi në rrjetet sociale ka akuzuar qeverinë dhe personazhet e tjerë të shëndetësisë pas vendimit për shtyrjen e gjendjes së fatkeqësisë natyrore, siç është cilësuar COVID-19 deri më 23 qershor.
Plasari sulmon Ramën, Manastirliun, Binon, Piperon etj, sepse sipas tij kanë mashtruar qytetarët me informacionet që japin për qytetarët lidhur me pandeminë.
“Nëse ky lajm është i vërtetë, kjo do të thotë që Rama, Manastirliu, Bino, Fico, Pipero e me radhë u kanë ofruar qytetarëve të Shqipërisë informacione të rreme mbi situatën pandemike në vend. Pra më shqip: nëse ky lajm është i vërtetë, kjo do të thotë që të mësipërmit kanë mashtruar qytetarët shqiptarë me informacionet që kanë dhënë dhe vijojnë të japin në publik. Kanë përgjegjësinë e tyre për bashkëpunim në këtë dezinformim të qytetarëve të Shqipërisë edhe presidenti i Republikës, si edhe kryetari zyrtar i opozitës politike. Janë llogari që do të duhen mbajtur dhe shtuar për Gjyqin Special të pasLuftës, i cili me gjasë nuk do të bëhet ndonjëherë, sikurse është në traditën e politikës shqiptare”, shkruan Aurel Plasari.
Protestë për gjuhën shqipe në Maqedoninë e Veriut, studentët mbushin sheshin kryesor –
Studentët shqiptarë në Maqedoninë e Veriut kanë nisur një protestë, e nxitur nga fakti që nuk u lejohet ta mbajnë...
