Ministrja e Shëndetësisë, Ogerta Manastirliu bëri me dije përditësimin e të dhënave për COVID-19 në Shqipëri.
Nga salla e Kuvendit Manastirliu tha se nesër mbushen 40 ditë që kur Shqipëria po përballet me këtë virus. Ndër të tjera ajo tha se numri i të shëruarve nga kjo sëmundje e ka kaluar tashmë numrin e rasteve të reja aktive.
“Nesër bëjmë 40 ditë që po përballemi me Covid 19, vendimet e marra në kohën e duhur nga qeveria shmangën atë që quhet krizë apo kolaps. Në këtë luftë shembull i përsosur kanë qënë shumica e qytetarëve duke u mbrojtur e duke mos i lënë kohë të na infektonte, ndërsa heronjtë tane janë mjekët, infermierët, epidemiologët, punonjësit e urgjencës kombëtare, i shpreh mirënjohjen. 518 të prekur nga COVID 19 numërohen sot. Personeli është testuar pa ndërprerje si një grup risku, më pak se 9% e tyre janë prekur, gjysma e tyre janë shëruar. Në dy spitalet COVID 2 është zënë vetëm 14% e kapacitetit. Nuk kemi pasur asnjë mungesë në material mbrojtëse, aparatura dhe respiratorë. Numri i të shëruarave e ka kaluar numrin e të infektuarve active. E di që nuk është koha për bilanc, se lufta nuk ka mbaruar, por në këto 40 ditë nën masa të rrepta kemi arritur të zbusim kurbën epidemike”,- shtoi ajo.
