Në përditënsimin e sotëm ministria e shëndetësisë tha se janë shënuar sot 8 raste pozitive, duke e çuar numrin e të prekurve në 475. Nga këto, 6 raste janë në Tiranë, 1 në Shkodër dhe 1 në Kukës.
Zonat më të prekura deri më tani janë Tirana, Shkodra, Fieri dhe Durrësi. Madje, Shkodra ditët e fundit është kthyer në një vatër të rrezikshme të koronavirusit në vend duke shënuar raste të shumta në çdo përditësim nga autoritetet.
Ministria e Shëndetësisë dhe Mbrojtjes Sociale u kërkon qytetarëve të vijojnë të respektojnë masat e distancimit social. Zgjerimi i fashës orare të lëvizjes është një lehtësim që kërkon përgjegjësi nga ana e qytetarëve për të respektuar distancën e nevojshme mes njëri tjetrit, ruajtjen e higjienës personale.
Rastet e reja gjatë 24 orëve të fundit
-6 raste Tiranë
-1 rast Shkodër
-1 rast Kukës
Shpërndarja gjeografike e rasteve pozitive, është si vijon:
– Tiranë 227 raste
– Durrës 42 raste
– Lushnje 6 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 71 raste
– Lezhë 14 raste
– Berat 2 rast
– Has 13 raste
– Krujë 6 raste
-Tropojë 4 raste
– Pukë 5 raste
– Mirditë 3 raste
– Kukës 1 rast
Vijon…
