Ditën e sotme është ndarë nga jeta në moshën 96-vjeçare mjeku i njohur në Durrës Ali Sula.
Ali Sula është mjeku që ka bërë histori në Durrës. Ai prej kohësh kishte sfiduar moshën, duke publikuar disa libra që risjellin në kujtesë historinë e qytetit dhe të sistemit shëndetësor të Durrësit.
Pas shkollimit fillestar në Durrës ai studioi në Universitetin e Firences për mjekësi, nga ku u rikthye për shkak të luftës në vitin 1943.
Më 1945 nis punën për ndërtimin e strukturave shëndetësore të qytetit të lindjes, ndërsa dy vjet më vonë shkon në Zagreb (Kroaci) dhe Timoshoara (Rumani) për vazhdimin e studimeve.
Në vitin 1950 diplomohet mjek. Mjeku është ndarë nga jeta në shtëpinë e tij në Durrës pranë bashkëshortes dhe fëmijëve.
