Tre lloje biznesesh janë hequr nga lista e aktiviteteve që janë urdhëruar të qëndrojnë mbyllur si masë parandaluese për përhapjen e koronavirusit.
Bëhet fjalë për fjalë për gomisteritë, dyqanet e librave dhe kancelaritë, që tashmë mund të rihapin sërish dyert, por brenda fashës së caktuar.
Deri tani bizneset që janë lejuar të qëndrojnë hapur deri në orën 13:00 janë kryesisht furrat e bukës, supermarketet, farmacitë dhe të tjera si karburante apo institucionet financiare.
Ndonëse mësimi tashmë zhvillohet online, nxënësit sërish kanë nevojë për pajisje kancelarie, ndërsa sa i përket çështjes së librarive, duket se shumë shqiptarë kanë zgjedhur që monotoninë e qëndrimit në shtëpi ta thyejnë përmes leximit.
