Ministria e Shëndetësisë ka njoftuar se është rritur numri i të prekurve me koronavirus në Shqipëri, ndërsa është shënuar edhe një tjetër i vdekur.
Bëhet me dije se mëngjesin e sotëm ka ndërruar jetë një 79-vjeçar nga Tirana, duke e çuar në 11 numrin e viktimave nga Covid-19 në vendin tonë.
I moshuari me inicialet B.H. ishte prej 18 ditësh i shtruar në spitalin infektiv. 79-vjeçari ishte përmirësuar ditët e fundit por ndërroi jetë nga një infarkt kardiak.
“Mëngjesin e sotëm ka ndërruar jetë në spitalin Infektiv një pacient 79-vjeçar nga Tirana, i konfirmuar me COVID-19. 79-vjeçari me inicialet B.H. ishte prej 18 ditësh i shtruar në spitalin infektiv. I moshuari ishte përmirësuar ditët e fundit por ndërroi jetë nga një infarkt kardiak. 79-vjeçari është viktima e 11 e prekur nga COVID-19 në Shqipëri. Ministria e Shëndetësisë i shpreh ngushëllimet familjes së të ndjerit”, ka njoftuar ministria e Shëndetësisë.
