Gjata: Për çdo të konfirmuar me koronavirus duhen përllogaritur 5 të infektuar

Koordinatori Kombëtar i Task Forcës për Burimet Njerezore dhe Rektori i Universitetit të Mjekësisë, Arben Gjata në një intervistë të dhënë ka folur se për çdo një rast të konfirmuar si pozitiv duhen përllogaritur pesë raste reale si të infektuar.
Shqipëria ka 53 të prekur zyrtarisht me koronavirus, ç’ka bën që sipas asaj që thotë Gjata të kemi rreth 250 të prekur realë.
Studimet tregojnë se jo çdo autoritet mund të konstatojë të gjithë të prekurit përmes testeve, rrjedhimisht një pjesë e madhe e të infektuarëve nuk perceptohen nga sistemet shëndetësore duke vijuar të infektojnë të tjerë.