Presidenti i Republikës Ilir Meta ka mbajtur një konferencë për të apeluar dhe njëherë për përgjegjshmëri maksimale për të përballuar situatën nga koronavirusi pas konfirmimit të dy rasteve të para në Shqipëri.
“Ftoj qytetarët të përballojnë me përgjegjësi dhe qetësi këtë situatë, të respektojnë me rigorozitet protokollet mjekësore. Nuk ka vend për panik, por nuk ka vend kurrësesi për nënvlerësimin më të vogël nga të gjithë institucionet. Në këtë situatë kërkohet përgjegjësi maksimale. U bëj thirrje të gjitha institucioneve që të marrin masa për sigurimin e mjeteve mbrojtëse të domosdoshme, veçanërisht për mjekët dhe infermierët.
Po e ndjek situatën hap pas hapi dhe bashkë me institucionet do të bëjmë çdo gjë për të qenë pranë çdo qytetari dhe për tejkalimin me pasoja sa më të lehta të kësaj situate. Apeloj për plane të detajuara për çdo strukturë, plan veprimi të qartë për strukturat shëndetësore, plan të detajuar ekonomik për veprimet financiare mbështetëse”, u shpreh Presidenti.
Shtëpitë e Kranes rrezikojnë të shemben, Romeo i Finiqit bën pazarin e 84 MLN lekëve
Romeo Çakuli i bashkisë Finiq bën pazare me tenderë edhe kur bëhet fjalë për një rrezik të lartë që iu...
