Kryeministri Edi Rama gjatë mbledhjes së qeverisë ditën e sotme për koronavirusin deklaroi se jemi të përgatitur ta përballojmë në bashkëpunim të ngushtë me Organizatën Botërore të Shëndetësisë.
Rama shpreh se në vend nuk ka asnjë rast të dyshuar me koronavirus, po ashtu foli edhe për ndërtimin e karantinës në Durrës, ku sipas tij do të jetë në zonën e Kavalishencës në Durrës, po ashtu sipas tij edhe në spitalin Shefqet Ndroqi ka kapacitetet shtesë për karantinë.
“Komitetit Teknik ka vlerësuar disa ambiente si përshtatshme si karantina. Është për të ardhur keq që askund si në vendin tonë të vogël nuk ndodh që politikanët të bëjnë ato që kanë bërë gjatë këtyre ditëve duke u përpjekur të përhapin panik dhe duke dezifmoruar publikun. Në asnjë vend karantinat nuk ndërtohen nëpër male, pyje apo larg zonave të banuara. Në rastin e parë të vendosjes së karantinës ne kemi përcktuar vendosjen e shtëpisë së pushimit të Ministrisë së Mbrojtjes në zonën e Durrësit. Me OBSH është përcaktuar përmbushja e të gjitha kushteve. Në spitalin Shefqet Ndroqi ka kapacitete shtesë. Edhe në QSUT po ashtu ka kapacitete shtesë. Ministria e Shëndetësisë ka nxjerrë urdhrin për masat e shtuara në shkolla. Janë rekomanduar qytetarët të kufizojnë udhëtimet jo të domosdoshme në zonat e prekura”, tha Rama.
