Greqia ka konfirmuar sot rastin e parë me koronavirus. Ministria e Shëndetësisë në Greqi bën me dije se një grua 38-vjeçe konfirmohet me koronavirus, e cila kohët e fundit kishte udhëtuar nga veriu i Italisë.
Ndërkohë sot u miratua akti ligjor me 5 nene i qeverisë greke për Koronavirusin. Zbatimi i tij do të jetë në varësi të ecurisë së situatës në Europë dhe botë.
Akti ligjor, parashikon mbylljen e shkollave, bllokimin e transportit të mjeteve rrugore, linjave hekurudhore, portet, ekstra pavione spitalore në gatishmëri e masa të tjera mbrojtëse.
