Ka rezultuar pozitive me koronavirus një turiste nga Bergamo me pushime në Palermo, që dje është shtruar në spitalin Cervello për kontrolle, pasi kishte shfaqur simptoma gripi.
Lajmin e bën me dije rajoni sicilian që thotë: “Kemi një rast që rezultoi pozitiv pas analizës së tamponit. Personi në fjalë është vendosur në karantinë së bashku me miqtë e të afërmit e saj që kanë qenë në kontakt me të”. Ky është rasti i parë i koronavirusit në Jug të Italisë.
Një rast i dyshuar me koronavirus edhe në Firenze. Bëhet fjalë për një italian që ka hyrë prej pak ditësh nga Singapori dhe është shtruar në izolim në spitalin Santa Maria Nuova, në qendër të kryeqytetit toskan. Priten analizat e testit që burri i është nënshtruar.
