Kryeministri i Kosovës Albin Kurti, ka kërkuar edhe në Londër reciprocitet në marrëdhëniet me Serbinë.
Liderët e gjashtë vendeve të Ballkanit Perëndimor po marrin pjesë në Samitin e Bankës Europiane për Rindërtim dhe Zhvillim.
Zëvendëspresidenti i BERZH, Jurgen Rigteri, ka postuar një fotografi në llogarinë e tij në Twitter, në të cilën shkruan se Kurti ka kërkuar reciprocitet dhe njohjen e pavarësisë së Kosovës nga Serbia. Ndërkohë, marrëveshja për linjë hekurudhore midis Kosovës e Serbisë është konsideruar si një nga cështjet kyçe për Kosovën.
Në postimet e BERZH-it në Twitter, marrëveshja për linjën hekurudhore midis Kosovës dhe Serbisë është quajtur “linja veri-jug”. “Lidhja rajonale veri-jug, bashkëpunimi rajonal nën kornizat e integrimit në Bashkimin Evropian, janë çështje kyçe për Kosovën”, shkruhet në postimin e BERZH-it.
